Es git zwei, drü Variante, wie ihr am beste vom Hotel Station zum Muottas Muragl ufe chömet:
Postauto | 8min: Pontresina, Gitögla mit de Nr. 604 zu de Station Punt Muragl, Talstation
Zug | 9min: Pontresina Bahnhof zu de Station Punt Muragl Staz und na 300m - ca. 5min z'Fuess - zu de Talstation
Auto | 4min: Überd 'Via di Bernina' Strass zu de Punt Muragl Talstation und dette parkiere.
D'Fahrt ufe mit de Standseilbahn duuret guet 20min und fahrt alli 30min, immer am 15 und 45. Bitte planet das ii, daser rechtzitig dobe sind.
Bis am 22.45 Uhr fahrt d'Standseilbahn im reguläre Halbstunde-Takt. Nacher hemmer zwei Extrafahrte organisiert, damit ihr alli wieder guet is Tal abechömet:
Abfahrt 1: 01.30 Uhr
Abfahrt 2: 03.15 Uhr
Wenn du d'Abfahrt 1 oder es früeners Bähnli nimmsch, lueg bitte d öV Verbindige oder Taxidienst selber na. Für die letzti Fahrt wartet bi de Talstation en Extrabus uf dich, wo dich direkt zum Hotel Station bringt.
De Dresscode isch Cocktail: D'Jeans aber au de Frack derfet gern im Schrank bliibe. Mir freuet eus über eui festliche Outfits in herbstliche Tön (keis Must) und mit eu d Nacht dure z'tanze.
Es isch Herbst im Engadin und s'Wetter chan sich schnell ändere, drum passet bitte eues Outfit dementsprechend ah. Fallses sunnig und klar isch, werdet mer ca. 2-3h verusse ufm Berg fürd Zeremonie und de Apéro verbringe.
P.S. Bitte kei wissi Outfits, danke dir.
Eui Teilnahm und mit eus z'fiirä ischs schönste Geschenk woner eus chönd mache. Falls ihr aber trotzdem na möchtet öpis chlises biistüüre, würet mir eus vor allem über en Zuestupf a eusi nöchsti chliner oder hoffentli au grösseri Reis (Svalbard, Japan, Madeira oder doch d'Faröer, hmmmm...) freue.