Mehreri Weg füeret vo Pontresina uf Muottas Muragl ufe:
Postauto | 8min: Pontresina, Gitögla mit de Nr. 604 zu de Station Punt Muragl, Talstation
Zug | 9min: Pontresina Bahnhof zu de Station Punt Muragl Staz und na 300m - ca. 5min z'Fuess - zu de Talstation
Auto | 4min: Überd 'Via di Bernina' Strass zu de Punt Muragl Talstation und dette parkiere.
D'Fahrt mit de Standseilbahn duuret 10min und fahrt alli 30min, immer am 15 und 45. Bitte planet das ii, daser rechtzitig dobe sind.
Die reguläri Standseilbahn fahrt im Halbstundetakt (xx.15 und xx.45) bis am 23 Uhr. Die letzti offizielli Fahrt gaht am 23 Uhr. Nacher hemmer zwei Extrafahrte organisiert, damit ihr alli wieder guet is Tal abechömet:
Abfahrt 1: 01.30 Uhr
Abfahrt 2: 03.00 Uhr
Wenn du d'Abfahrt 1 oder es früeners Bähnli nimmsch, lueg bitte d öV Verbindige oder Taxidienst selber na. Für d'Abfahrt 2 (letzti Abfahrt) chömer denn spontan Taxis bueche, wo dich direkt zum Hotel Station bringt.
De Dresscode isch Cocktail: D'Jeans aber au de Frack derfet gern im Schrank bliibe. Mir freuet eus über eui festliche Outfits (die dörfend durchus au knöchellang si ;)) in herbstliche Tön (keis Must) und mit eu d Nacht dure z'tanze.
Es isch Herbst im Engadin und s'Wetter chan sich schnell ändere, drum passet bitte eues Outfit dementsprechend ah. Fallses sunnig und klar isch, werdet mer ca. 2-3h verusse ufm Berg fürd Zeremonie und de Apéro verbringe.
P.S. Bitte kei wissi/cremefarbeni Outfits, danke dir.
P.P.S. Bide Trauuig selber hets Deckene als Extrawärmespender.
Eui Teilnahm und mit eus z'fiirä ischs schönste Geschenk woner eus chönd mache. Falls ihr aber trotzdem na möchtet öpis chlises biistüüre, würet mir eus vor allem über en Zuestupf a eusi nöchsti chliner oder hoffentli au grösseri Reis (Svalbard, Japan, Madeira oder doch d'Faröer, hmmmm...) freue.
Für die Topmoderne oder Volldigitalisierte under eu hemer vorab es Feriekonto eröffnet:
IBAN: CH81 0070 0114 9055 4998 6
Astrid Kurmann, Seebacherstrasse 111, 8052 Zürich
Ps: Falls öper doch wet öpis mitbringe, beachtet bitte eifach, dass mir direkt nachem Fest is Wellness gönd und drum e Wuche nöd dihei sind. :)